|
Amigus carus,
seus dus jovunus de Santu Ainju (VS) de 26 e 35 annus, ki cincu annus fait ant tentu su "makimini" de si nci ghetai in s'istrada traballosa de sa messaritzia.
Sa sienda nosta nascit de atesu, candu is iaius e bisaius nostus teniant giai custas terras pressiosas. Issus, a trevessu de is babus nostus, si ant trasmitiu sa passioni po das cuidai e po ndi otenni cussus produtus sintzillus ki prus de totus sa Terra nosta de Sardigna scit donai.
Manixaus cosas simpli: trigu, musunju, teneus un'ortu i unu vargeri pitikeddus... e su tzafaranu, ki s'agatat meda in is logus nostus.
A bortas certaus contras a sa disdiça, ki si donat tempus de sicori de no crei intreveraus a atrus ki sa proia est aici smanada ki no si podit traballai sa terra. Atras bortas certaus contras a sa tirria de sa burocratzia, ki promitit ajudus po sa messaritzia ma ki si donat casi sempri sceti medas scramentus.
Mancai custu sa passioni est forti e, abetiosus cumenti seus nosu Sardus, seus cumbintus ki sa calidadi de is produtus nostus antis o pustis at d'essi arreconnota in d-unu mundu ki si stat acatendi ki a papai cosas trastocadas in dogna manera si scalabrat sa saludi e no s'apagnat su paladari!
nomini sotziali: S'Argidda soc. agricola semplice
sitiu legali: Via Dante, 65/d - 09128 Cagliari (telefunu e fax: 070.480175)
centru siendali: S.S. 197, Km 17,500 - 09037 San Gavino Monreale (VS)
jassu: www.sargidda.com - curreu eletronigu: sargidda@sargidda.com
telefuneddus: 329.3718772, 349.7769647 - partida i.v.a. e codixi fiscali: 02780420929
|
|
